Yandex–ը Երևանի քաղաքապետարանին կառաջարկի նոր թվային ծառայություններ տրանսպորտի ոլորտում
ԵՐԵՎԱՆ, 10 փետրվարի․/ԱՌԿԱ/․ Հանդիպել ենք Երևանի քաղաքապետ Տիգրան Ավինյանի հետ՝ քննարկելու քաղաքապետարանի հետ համատեղ ծրագրերի ընթացքը և նոր հնարավորությունները, հայտնել է Yandex Armenia & Georgia–ի ղեկավար Արամ Մխիթարյանը ։
«Յանդեքս Գո» հավելվածում ու «Յանդեքս» քարտեզներում արդեն իսկ հասանելի են Երևանի 76 երթուղիներից 54-ը, առաջիկայում այն կամբողջացվի, նշել է Մխիթարյանը Facebook–յան իր էջում։
«Ներկայացրել ենք 2025թ. ծրագրերը՝ նշել, որ Yandex Armenia-ն պատրաստ է համայնքին առաջարկել նաև կանգառներում էլեկտրոնային չվացուցակների տեղադրման համար անհրաժեշտ տվյալների տրամադրման ծառայություն, լուսացույցների թվայնացված տվյալների միջոցով Երևան քաղաքի խցանումների պատկերի ճշգրտում, վերլուծական այլ տվյալներ», – նշել է Մխիթարյանը։
Քաղաքապետ Ավինյանն իր հերթին նշել է, որ Երևանը բաց է գործակցության համար և կարևորում է ցանկացած նախագիծ, որի նպաստում է հարմարավետ ու տեխնոլոգիական Երևանի ստեղծմանը: