Facebook–ում, Instagram–ում և WhatsApp–ում գլոբալ խափանում է

ԵՐԵՎԱՆ, 11 դեկտեմբերի․/ԱՌԿԱ/․ Meta ընկերության մեսենջերը և երկու սոցցանցերը սկսել են անկայուն աշխատել Մոսկվայի ժամանակով ժամը 21:00-ի սահմաններում։ WhatsApp մեսենջերում գրանցվել է խափանում՝ ըստ DownDetector–ի։ X սոցցանցի օգտատերերը նույնպես դժգոհել են, որ WhatsApp-ն անկայուն է աշխատում։ 

DownDetector-ում արձանագրվել է ավելի քան 12,3 հազար հաղորդում խնդիրների մասին։

ՌԲԿ-ի թղթակիցները նկատել են, որ հաղորդագրությունները չեն ուղարկվում և չեն ստացվում մեսենջերի թե բջջային, թե դեսկտոպային տարբերակներում։ Նույն խնդիրը նշվում է որպես հիմնական խնդիր DownDetector-ի օգտատերերի կողմից:

DownDetector-ը նաև բազմաթիվ հաղորդումներ է ստացել Facebook-ում և Instagram-ում խափանումների մասին:

Facebook-ի խափանումների մասին ստացվել է ավելի քան 96 հազար բողոք, իսկ Instagram-ում՝ ավելի քան 69 հազար։ Մոսկվայի ժամանակով ժամը 21:00-ին բողոքների թիվն աճել է։ Օգտատերերը խնդիրներ են նկատել այս սոցիալական ցանցերի ինչպես հավելվածներում, այնպես էլ վեբ տարբերակներում։