Պետդեպարտամենտը Twitter-ում ռուսերեն էջ կբացի. Քլինթոն
ԵՐԵՎԱՆ, 16 փետրվարի. /ԱՌԿԱ/. Պետդեպարտամենտը 2011 թ.-ին ռուսերեն twitter-ալիք կբացի, հայտարարել է ԱՄՆ պետքարտուղար Հիլարի Քլինթոնը, հաղորդում է «ՌԻԱ Նովոստին»:
«Այս տարի մենք twitter-account-ներ կբացենք Չինաստանի, Հնդկաստանի և Ռուսաստանի համար այդ երկրների մայրենի լեզուներով՝ չինարենով, ռուսերենով և հինդիով, որպեսզի օնլայն շփում իրականացնենք այն վայրերում, որտեղ կառավարությունը սահմանափակումներ չի մտցնում ինտերնետ հասանելիության նկատմամբ», - երեքշաբթի աշխարհում ինտերնետի ազատության վիճակի մասին իր ելույթում հայտարարել է պետքարտուղարը:
Նրա խոսքերով՝ պետդեպարտամենտում գիտակցում են սոցիալական ցանցերի միջոցով օնլայն-շփման արդյունավետությունը, և հաջորդ շաբաթ Twitter-ում էջեր կգործարկեն արաբերենով և պարսկերենով:
Քլինթոնը երկրորդ անգամ է ելույթ ունենում ինտերնետում ազատության հարցերի մասին: Նախորդ տարի պետքարտուղարը հանդես եկավ նմանատիպ ելույթով՝ առաջին անգամ պաշտոնապես ինտերնետը համարելով ժողովրդավարության արտահանման նոր գործիք:-0-