Հայկական ընկերությունները ԱՄՆ–ում մասնակցում են Photonics West 2014 լազերային տեխնոլոգիաների ցուցահանդեսին
ԵՐԵՎԱՆ, 4 փետրվարի. /ԱՌԿԱ/. Հայկական երեք ընկերություններ մասնակցում են Photonics West 2014 լազերային տեխնոլոգիաների և օպտիկայի ոլորտի մասնագիտացված ցուցահանդեսին, որն անցկացվում է փետրվարի 4-7–ը Սան Ֆրանցիսկո քաղաքում։
Ցուցահանդեսին Հայաստանը ներկայացնում են «ԼՏ-Պիրկալ» ՓԲԸ, «Սպեկտրալույս» ՓԲԸ, «Աստրա Կրիստալս» ՓԲԸ–ն։
Ցուցահանդեսը ամենախոշոր և ամենաազդեցիկ մասնագիտացված ցուցահանդեսներից մեկն է բիոֆոտոնիկի, բիոբժշկական օպտիկայի, արդյունաբերական լազերների, օպտոէլեկտրոնիկայի, միկրոֆաբրիկացման եւ կանաչ ֆոտոնիկի ոլորտում:
Ցուցահանդեսին ներկայացված են մոտ 1300 ընկերություն, և այն ունի տարեկան 20 000 այցելու:
Միջոցառմանը հայկական ընկերությունների մասնակցությանը աջակցում են Զարգացման հայկական գործակալությունը և Արդյունաբերական զարգացման հիմնադրամը: -0-