Որոնման համակարգերը «հիշողության պրոթեզ» են դառնում. գիտնականներ
ԵՐԵՎԱՆ, 18 հուլիսի. /ԱՌԱԿ/. Ինտերնետի և որոնման համակարգերի ակտիվ օգտագործումը էականորեն նվազեցնում է տեղեկատվության ծավալը, որը մարդը հիշում է, ինչի արդյունքում ինտերնետը բազմաթիվ մարդկանց համար դառնում է հիշողության փոխարինող, վկայում են Science ամսագրում հրապարակված ուսումնասիրության արդյունքները:
Հոդվածի հեղինակները՝ ԱՄՆ-ի Քլամբիա համալսարանից Բեթսի Սթարոուն (Betsy Sparrow) և նրա գործընկերները, պարզել են, թե ինչպես է ազդում ինտերնետին, որոնման համակարգերին, տվյալների բազային և տեղեկատվության առցանց այլ աղբյուրներին հասանելիությունն այն բանի վրա, թե ինչպես են մարդիկ հիշում և փորձում հիշել այս կամ այն տեղեկատվությունը, հաղորդում է «ՌԻԱ Նովոստին»:
«Եթե ձեզ հարցնեն՝ արդյոք կա՞ն միագույն պետական դրոշ ունեցող պետություններ, դուք մտքում կհիշե՞ք դրոշները, թե՞ միանգամից կմտածեք ինտերնետ մտնելու և այդ հարցի պատասխանը գտնելու մասին: Մեր ուսումնասիրության մեջ մենք ստուգում ենք հիպոթեզը, ըստ որի՝ ինտերնետի մշտական հասանելիության դեպքում մեր հիշողությունը վերափոխվում է և առաջին հերթին պահում է տեղեկատվությունն այն մասին, թե որտեղ գտնել այս կամ այն տեղեկությունը վերջինս պահելու փոխարեն», - գրում են գիտնականները:-0-