Որոշ ժամանակով կդադարեցվի հեռուստատեսային ալիքների և ռադիոալիքների հեռարձակումը

ԵՐԵՎԱՆ, 20 մայիսի․/ԱՌԿԱ/․ Ժամանակավորապես կդադարեցվի հեռուստատեսային ալիքների և ռադիոալիքների հեռարձակումը, հայտնում է Բարձր տեխնոլոգիական արդյունաբերության նախարարությունը։

Գերատեսչության հաղորդմամբ, «Հայաստանի հեռուստատեսային և ռադիոհաղորդիչ ցանց» ընկերությունը տեղեկացնում է, որ Երևանի հեռուստաաշտարակի  մետաղական կոստրուկցիաների տեխնիկական վիճակի զննման  պլանային աշխատանքներ իրականացնելու նպատակով 2025 թվականի մայիսի 21-ին՝ ժամը 06:00-08:00-ն ընկած ժամանակահատվածում, ժամանակավորապես կդադարեցվի Երևանի հեռուստատեսային ալիքների հեռարձակումը, իսկ մայիսի 22-ին և 23-ին՝ ժամը 15:00-16:00- ն ընկած ժամանակահատվածում՝ FM ռադիոալիքների հեռարձակումը: