OpenAI-ը առաջիկայում համագործակցության վերաբերյալ առաջարկ կփոխանցի ՀՀ-ին
ԵՐԵՎԱՆ, 21 նոյեմբեր․/Նովոստի-Արմենիա/. OpenAI-ի ներկայացուցիչները ԱՄՆ-ում ՀՀ դեսպան Նարեկ Մկրտչյանի հետ հանդիպմանը հայտնել են, որ առաջիկայում հայկական կողմին կփոխանցեն համագործակցության վերաբերյալ իրենց առաջարկը։
ԱՄՆ-ում ՀՀ դեսպանատան փոխանցմամբ, նոյեմբերի 20-ին դեսպան Նարեկ Մկրտչյանը հանդիպել է OpenAI-ի Գլոբալ բիզնեսի գծով փոխնախագահ Նեյթ Հարբաչեկի և Միջազգային քաղաքականության ու գործընկերությունների բաժնի ներկայացուցիչ Այվի Լաու-Շինդեվոլֆի հետ։
Քննարկվել են արհեստական բանականության կիրառման հնարավորությունները կրթության, առողջապահության, արդյունաբերության, ամպային ենթակառուցվածքների և մի շարք այլ ոլորտներում։
Դեսպանը կարևորել է OpenAI-ի հետ համագործակցությունը՝ որպես Հայաստանի արհեստական բանականության էկոհամակարգի զարգացման առանցքային ուղղություն։