Կիբեռոստիկանությունը զգուշացնում է 5G ցանցի թարմացման անվան ներքո խարդախությունների նոր ալիքի մասին
24.03.2026,
10:28
ՀՀ ՆԳՆ Կիբեռոստիկանությունը զգուշացնում է խարդախությունների նոր ալիքի մասին
ԵՐԵՎԱՆ, 24 մարտի․/ԱՌԿԱ/. ՀՀ ՆԳՆ Կիբեռոստիկանությունը զգուշացնում է խարդախությունների նոր ալիքի մասին։
«Եթե Ձեզ զանգահարեն և որևէ բջջային օպերատորի / UCOM, TEAM TELECOM, VIVA-ARMENIA/ անունից առաջարկեն ծրագիր ներբեռնել բջջային հեռախոսի մեջ, իբրև թե կապի որակը բարելավելու նպատակով՝ ՉՎՍՏԱՀԵՔ»,-նշվում է Կիբեռոստիկանության տարածած հաղորդագրության մեջ։
Հաղորդագրության մեջ նշվում է նաև, որ հանցագործներն այդ եղանակով փորձում են հասանելիության ստանալ Ձեր բանկային հաշիվներին, իսկ հասանելիություն ստանալուց հետո նրանք կարող են հափշտակել Ձեր ֆինանսական միջոցները: