Apple-ը նոր iPhone-ը կներկայացնի սեպտեմբերի 12-ին
ԵՐԵՎԱՆ, 1 սեպտեմբերի. /ԱՌԿԱ/. Ամերիկյան Apple կորպորացիան նոր iPhone-ները կկայանա սեպտեմբերի 12-ին, հայտնում է CNBC հեռուստաալիքը՝ վկայակոչելով ԶԼՄ-ներին ուղարկված հրավերը:
«Կհանդիպենք մեզ մոտ: Ձեզ հրավիրում ենք միանալ մեզ՝ Կուպերտինոյում Սթիվ Ջոբսի անվան լսարանում առաջին միջոցառմանը»,- ասված է Apple-ի հրավերում:
Ըստ աղբյուրի, կորպորացիան շնորհանդեսին կներկայացնի երեք նոր iPhone՝ iPhone 7s, iPhone 7s Plus և iPhone 8: Կանխատեսումների համաձայն՝ նոր iPhone 8-ում կլինեն ամենաշատ փոփոխությունները, այդ թվում՝ առանց շրջանակի դիսփլեյ և գլխավոր կոճակի բացակայությունը:
Հաղորդվում է, որ շնորհանդեսը կդառնա Apple-ի նորակառույց «Apple Park» կենտրոնում առաջին միջոցառումը:
Ենթադրվում է, որ բացի iPhone-ից, Apple-ը կներկայացնի Apple TV-ի և սեփական բբջային կապով Apple Watch-ի նոր տարբերակը, որը թույլ կտա նրանց սեփականատերերին օգտագործել ժամացույցն առանց սմարթֆոն ունենալու անհրաժեշտության:
Ավելի վաղ հաղորդվել է, որ Apple ընկերությունը մտադիր է նոր արտադրանքների ներկայացման իր ամենամյա միջոցառումն անցկացնել նոր մասնաշենքում, որը ստացել է Apple Park անվանումը:
Սմարթֆոններն ու այլ նորույթները կներկայացվեն նորագույն լսարանում, որն անվանվել է Սթիվ Ջոբսի պատվին: Նստելատեղերի մեծամասնությունը գտնվում են ստորգետնյա տարածքում: Շքեղ գրասենյակը տեղակայված է բուսականությամբ պատված դաշտի կենտրոնում: -0-