Հայ սեփականատերերը հերքել են Տելեկոմ Արմենիա ընկերութունը օտարերկրացիներին վաճառելու լուրերը

ԵՐԵՎԱՆ, 2 դեկտեմբերի./ԱՌԿԱ/. Տելեկոմ Արմենիա ընկերության սեփականատերերը (ձեռք են բերել «Արմենթել» հեռահաղորդակցական ընկերությունը) հայտնել են, որ այն ամբողջովին հայկական ընկերություն է հանդիսանում:

Ինչպես չորեքշաբթի հայտնել է ընկերության մամուլի ծառայությունը, սոցիալական կայքերում տարածվել է տեղեկատվություն, որտեղ խոսվում է «Արմենթել» ընկերության վաճառքի մասին:

«Հայտնում ենք, որ ԹԻՄ ՍՊ ընկերությունը հոկտեմբերի 29-ին ձեռք է բերել Վեոն Արմենիա ՓԲԸ-ն (նախկին «Արմենթել» ընկերությունը, Beeline բրենդ) ՎԵՈՆ խմբի մեջ մտնող՝ ՌԴ «Վիմպել Կոմմունիկացիի» ՀԲԸ-ից, այն վերանվանել Տելեկոմ Արմենիա ՓԲԸ, իսկ ԹԻՄ ՍՊ ընկերության սեփականատերերն են ազգությամբ հայ, ՀՀ քաղաքացիներ Հայկ և Ալեքսանդր Եսայանները»,- նշում են ընկերությունից:

Ավելին, հայտարարության մեջ նշվում է, որ ընկերությունը որևէ բաժնեմասով կամ գրավի իրավունքով կապված չէ արտասահմանյան իրավաբանական անձի կամ այլ երկրի քաղաքացի հանդիսացող ֆիզիկական անձի հետ:

«Տելեկոմ Արմենիան իր բաժնետերերով և ղեկավար կազմով ամբողջապես հայկական ընկերություն է»,- նշվում է ընկերության հայտարարության մեջ:

Ընկերության վաճառքի մասին

Կապի և ինտերնետի համաշխարհային առաջատար մատակարար VEON Ltd.-ն 2020թ.-ի հոկտեմբերի 29-ին հայտարարել է Հայաստանում իր «ՎԵՈՆ Արմենիա» ՓԲԸ (ապրանքանիշը` Beeline) ընկերությունը «Թիմ» ընկերությանը վաճառքի պայմանագրի կնքման մասին, հաղորդվում է օպերատորի պաշտոնական կայքում:

Ինչպես նշվում է հաղորդագրության մեջ, սպասվում է, որ առաջիկայում գործարքը կփակվի: Գործարքի գումարը հավասար է EV/EBITDA–ը բազմապատկած 2,9–ով, որպես հիմք վերցված է 2019թ.–ի EBITDA–ը։

«Հայաստանում մեր օպերատորի վաճառքը համահունչ է VEON- ի ցանկությանը` պարզեցնել Խմբի կառուցվածքը և ամրապնդել նրա օպերացիոն ուղղվածությունը շուկաներում՝ երկարաժամկետ աճի գրավիչ հնարավորություններով», - նշվում է հաղորդագրության մեջ:

Beeline-ի բաժնետոմսերի գործարքի մասին

Ucom- ի և «Team» ընկերության հիմնադիրները՝ եղբայրներ Հայկը և Ալեքսանդր Եսայանները, հայտնել են Հայաստանում Beeline ապրանքանիշի ներկայացուցիչ՝ «ՎԷՈՆ Արմենիա» ընկերությունը ձեռք բերելու մտադրության մասին: 

Ընկերությունը հունիսի 8-ին դիմել է ՀՀ ՏՄՊՊՀ, իսկ «VEON Արմենիան» դիմել է Հանրային ծառայությունները կարգավորող հանձնաժողովին և շրջակա միջավայրի պաշտպանության պետական ​​հանձնաժողովին ՝ հաշվի առնելով գործարքի կնքման հնարավորությունը: Երկու կարգավորիչները գործարքը հաստատել են հուլիսի 10-ին:

Բաժնետոմսերի համաձայնեցված գնով առուվաճառքի գործարքի ֆինանսավորման աղբյուրը վարկային միջոցներն են, որի կապակցությամբ «ԹԻՄ» ՍՊԸ-ի և «Արդշինբանկ» ՓԲԸ–ի միջև պայմանավորվածություն է ձեռք բերվել, որ նշված միջոցները կտրամադրվեն բանկի կողմից։

Հաշվի առնելով, որ ՀՀ բարձր տեխնոլոգիական արդյունաբերության նախարարությունը առարկություն չունի առքուվաճառքի գործարքի ֆինանսավորման աղբյուր հանդիսացող վարկային միջոցների և «Արդշինբանկ» փակ բաժնետիրական ընկերության միջև պայմանավորվածություն ձեռք բերելու վերաբերյալ, կարգավորիչը որոշել է համաձայնություն տալ «VEON Արմենիան» ընկերության կանոնադրական կապիտալի 100 տոկոսը կազմող բաժնետոմսերի նկատմամբ սեփականության իրավունքը «ԹԻՄ» ՍՊԸ-ի կողմից ձեռք բերելուց հետո վերջինիս կողմից «Արդշինբանկ» ՓԲԸ–ի օգտին գրավադրելուն։

Համաձայնությունը վավեր է ՀԾԿՀ–ի որոշումն ուժի մեջ մտնելու պահից վեց ամսվա ընթացքում։

Վաճառքի պատմությունը

Եսայան եղբայրները Ucom- ի հիմնադիրներն են, որոնք 2019թ.-ի վերջից բանակցություններ են վարում Հայաստանում Beeline ապրանքանիշը գնելու հնարավորության մասին `« VEON Արմենիա» ընկերությունը: Ընկերությունը համապատասխան դիմում է ներկայացրել կարգավորիչին 2019 թվականի դեկտեմբերի 30-ին, բայց ավելի ուշ, Եսայանի և Ucom- ի մյուս բաժնետերերի միջև եղած տարաձայնությունների պատճառով, բոլոր բանակցությունները դադարեցվել են:

Ապրիլի 9–ին Եսայանն ու Ucom–ի ողջ ղեկավարությունը որոշեցին դադարեցնել իրենց աշխատանքային պարտականությունները, ինչից հետո ընկերության ավելի քան 800 աշխատակից ներկայացրեց աշխատանքից ազատման դիմում։ Ընկերության մամուլի ծառայության տարածած հայտարարության մեջ նշվում էր, որ ստեղծված իրավիճակն առաջացել է բաժնետերերի միջև ծագած տարաձայնությունների պատճառով։

Ապրիլի 20–ին Եսայանը, ով իր եղբոր հետ տնօրինում է Ucom–ի բաժնետոմսերի մոտ 6%–ը, հայտարարեց, որ վերջնականապես հեռանում է ընկերությունից այն բանից հետո, երբ չընդունվեց հիմնական բաժնետերերի մասնաբաժինը (բաժնետոմսերի 94,01%) մոտ 34մլրդ դրամով գնելու առաջարկը, իսկ Տնօրենների խորհուրդը գլխավոր տնօրենի պաշտոնումը հաստատեց Հայկ Խաչատրյանին։

Դրանից հետո ստեղծվեց «Օլնեթ» ընկերությունը, որը վերանվանվեց Team–ի։ Նշվում էր, որ այն Հայաստանում տրամադրելու է նորարարական թվային ծառայություններ հեռահաղորդակցության ոլորտում։

Ընկերությունների մասին

Մի քանի ամիս առաջ ստեղծված «Team» ՓԲԸ հեռահաղորդակցական ընկերության (ապրանքանիշ TEAM.Telecom Armenia) հիմնադիրներն են Հայկ և Ալեքսանդր Եսայանյան եղբայրները (Ucom- ի հիմնադիրներն ու երկարաժամկետ ղեկավարները): Նոր ընկերությունը գրանցվել է 2020 թվականի ապրիլի 20-ին «Օլնեթ» անվան տակ, այնուհետև այն վերանվանվել է «TEAM» ԲԲԸ և ՀԾԿՀ-ից ստացել հեռահաղորդակցական գործունեության լիցենզիա:

«ՎԵՈՆ Արմենիա» ՓԲԸ-ն (Beeline ապրանքանիշ) «ՎԵՈՆ» ընկերությունների խմբի մի մասն է, որն աշխարհի խոշորագույն ինտեգրված օպերատորներից մեկն է: 2007թ.–ի ապրիլից «ՎԵՈՆ Արմենիա» ՓԲԸ–ի 100% –ը (ավելի վաղ «ԱրմենՏել» ՓԲԸ) պատկանում է Veon ընկերությունների խմբին։ «ՎԵՈՆ Արմենիան» տրամադրում է ֆիքսված և բջջային կապի ծառայություններ։–0–