Տեխնոլոգիական ոլորտում պետական տենդերների և գնումների թափանցիկ գործընթացն ապահովելու գործում մեդիայի դերի մասին սեմինար կանցկացվի Երևանում
ԵՐԵՎԱՆ, 16 մայիսի. /ԱՌԿԱ/. «Մեդիայի դերը տեխնոլոգիական ոլորտում պետական տենդերների և գնումների թափանցիկ գործընթացն ապահովելու գործում» սեմինարը տեղի կունենա մայիսի 18-ին, հայտնում է Ինֆորմացիոն տեխնոլոգիաների ձեռնարկությունների միությունը (UITE):
Սեմինարին կմասնակցեն լրագրողներ և բլոգերներ, որոնք մանրամասն կծանոթանան տեխնոլոգիական ոլորտում պետական տենդերների և գնումների գործընթացում առկա խնդիրներին, կլսեն մասնագետի կարծիքը:
Սեմինարն անցկացվում է «Տեխնոլոգիական ոլորտում պետական տենդերների և գնումների գործընթացում մշտադիտարկում և բարեփոխում» ծրագրի շրջանակում: Այն իրականացվում է UITE կողմից՝ Քաունթերփարթ Ինթերնեշնլ Հայաստանի և ԱՄՆ ՄԶԳ ֆինանսական աջակցությամբ:
Ինֆորմացիոն Տեխնոլոգիաների Ձեռնարկությունների Միությունը հիմնադրվել է 2000թ` որպես Հայաստանում գործող տեղեկատվական և հեռահաղորդակցական տեխնոլոգիաների ոլորտի ձեռնարկությունների բիզնես ասոցիացիա: ԻՏՁՄ-ն ստեղծվել է ոլորտի ձեռնարկությունների շահերի պաշտպանության, բիզնեսի խթանման նպատակով:--0--