Հայաստանն IPv6 արձանագրության նոր տարբերակին է անցնում

ԵՐԵՎԱՆ, 6 հունիսի. /ԱՌԿԱ/. Հայաստանը IPv6 արձանագրության նոր տարբերակին է անցնում, չորեքշաբթի լրագրողներին հայտնեց ՀՀ ԳԱԱ Ինֆորմատիկայի և ավտոմատացման խնդիրների ինստիտուտի ցանցային կառավարման լաբորատորիայի ղեկավար Արթուր Պետրոսյանը:

Հունիսի 6-ին ողջ աշխարհում IPv6 արձանագրության նոր տարբերակին են անցնում՝ World IPv6 Launch (www.worldipv6launch.org): Այս իրադարձության համակարգողն է Internet Society կազմակերպությունը:

IPv6 արձանագրությունը  կփոխարինի համացանցում գործող IPv4-ը, որը գործում է ավելի քան 30 տարի: IPv4 նախատեսում է ինտերնետին միացված բոլոր սարքերին՝ սերվերներին, սմարթֆոններին ու պլանշետներին, ընդամենը 4,3 մլրդ IP հասցեներ տրամադրել, որը գրեթե լիովին սպառվել է  2011 թվականին:--0-