Սմարթֆոնների վիրուսային հավելվածները հեռացվել են Google Play–ից
ԵՐԵՎԱՆ, 22 ապրիլի. /ԱՌԿԱ/. BadNews վիրուսային հավելվածները, որոնք վնասել էին Ռուսաստանում և ԱՊՀ մի շարք երկրներում Android-ի հիման վրա աշխատող սմարթֆոնները, հեռացվել են Google Play ինտերնետային խանութներից։ Այդ մասին գրում է tasstelecom.ru –ն` հղում անելով Lookout mobile security տեղեկատվական անվտանգության հարցերի փորձագիտական ընկերությանը։
Հատկապես Lookout mobile security–ի մասնագետները ճանաչեցին վնասաբեր ծրագրերը, որոնք թաքնված էին Google Play խանութի ռուսական տարբերակի հարթակում 34 լրատվական, խաղային և գովազդային հավելվածների տեսքով։ Վարակված հավելավածները նպաստում էին AlphaSMS, անվանումով վիրուսի ներբեռնմանը սմարթֆոնում, որը կարող էր չարագործների կողմից օգտագործվել օգտատերերի հեռախոսահամարները և նույնականաման տվյալները ստանալու համար։
Ինչպես հաստատում են փորձագետները, վիրուսից ազատվելու համար բավական է ջնջել բոլոր ներբեռնած կասկածելի հավելվածները։ –0–