Հայտնի է առաջին ծալովի iPhone-ի հնարավոր գինը և թողարկման ամսաթիվը
31.07.2025,
13:58
Ակնկալվում է, որ մոդելը, որը կներառվի iPhone 18-ի նոր շարքում, Apple-ին կբերի 65 միլիարդ դոլարի շահույթ
ԵՐԵՎԱՆ, 31 հուլիսի․/ԱՌԿԱ/․ Առաջին ծալովի iPhone-ը կարող է արժենալ 1999 դոլար, նոր մոդելի թողարկումը նախատեսված է 2026 թվականի սեպտեմբերին, հաղորդում է «Վեդոմոստին»՝ հղում անելով The Telegraph-ին, որն էլ իր հերթին հղում է անում JP Morgan-ի վերլուծաբաններին։
Ակնկալվում է, որ մոդելը, որը կներառվի iPhone 18-ի նոր շարքում, Apple-ին կբերի 65 միլիարդ դոլարի շահույթ։
Գրքի տեսքով սարքը, հավանաբար, նման կլինի Galaxy Z Fold շարքին և թույլ կտա Apple-ին միանալ Samsung-ին, որը ծալովի սմարթֆոններ է վաճառում 2019 թվականից։
Apple-ը դեռևս չի հաստատել նոր մոդելի թողարկումը։