Երևանը բաց է նորարար գաղափարների և կայուն ներդրումների համար. Ավինյանը՝ ֆրանսիացի գործարարներին
26.02.2026,
10:57
Երևանի քաղաքապետ Տիգրան Ավինյանը հանդիպել է Ֆրանսիայից ժամանած գործարարների հետ, որոնք ներկայացնում են տարբեր ոլորտների ընկերություններ:
ԵՐԵՎԱՆ, 26 փետրվարի./ԱՌԿԱ/. Երևանի քաղաքապետ Տիգրան Ավինյանը հանդիպել է Ֆրանսիայից ժամանած գործարարների հետ, որոնք ներկայացնում են տարբեր ոլորտների ընկերություններ:
Այս մասին հայտնում են Երևանի քաղաքապետարանից։
Հյուրերին ներկայացնելով քաղաքի զարգացմանը միտված կարևոր ծրագրերն ու ներդրումային հետաքրքրություն ներկայացնող նախագծերը՝ քաղաքապետ Ավինյանը նշել է, որ Երևանը բաց է նորարար գաղափարների, առաջատար տեխնոլոգիաների ու կայուն ներդրումների համար։
Մասնավորապես կարևորվել են տրանսպորտային համակարգի արդիականացման ծրագրերը, թվային փոխակերպման նախագծերի իրականացումը՝ GIS աշխարհագրական տեղեկատվական համակարգի ներդրումը, ինչպես նաև Նորագյուղի վերակառուցումը և թափոնների կառավարումը: