Գորիսում շուտով TUMO-box կբացվի
12.03.2025,
11:25
Քաղաքի ու շրջակա համայնքների ուսանողներն ինքնուսուցման վարժանքները կանցնեն տուփում, իսկ դասընթացների ու աշխատարանների համար Թումոյի տրանսպորտով կմեկնեն Թումո Կապան
ԵՐԵՎԱՆ, 12 մարտի․/ԱՌԿԱ/․ Սյունիքի մարզի Գորիս քաղաքում շուտով կբացվի TUMO-box՝ Ստեղծարար տեխնոլոգիաների կենտրոնի շարժական մինի–լաբորատորիա։
Քաղաքի ու շրջակա համայնքների ուսանողներն ինքնուսուցման վարժանքները կանցնեն տուփում, իսկ դասընթացների ու աշխատարանների համար Թումոյի տրանսպորտով կմեկնեն Թումո Կապան:
«Գորիսի տուփն (TUMO-box, խմբ․) այժմ զուգվում-զարդարվում է Սյունիքի փողոց 183 հասցեով` առաջին թումոցիներին դիմավորելու համար: Իսկ Սյունիքում Թումոյի կրթական ցանցն ամբողջացնելու համար մեզ մնում է միայն հիմնել Սիսիանի կենտրոնը և հարակից տուփեր», – նշվում է կենտրոնի Facebook–յան էջում։