Facebook-ը տեսանյութի դիտման հաշվիչ կներդնի

ԵՐԵՎԱՆ, 8 սեպտեմբերի. /ԱՌԿԱ/. Facebook խոշորագույն սոցիալական ցանցը տեսահոլովակների դիտման հաշվիչ կներդնի, հայտնում է Փրայմը` հղում անելով ընկերության մամուլի ծառայությանը։

Դիտումների թիվը կրկնում է YouTube–ի համանման ֆունկցիան և թույլ է տալիս որոշել այս կամ այն հոլովակի ճանաչված լինելը։

Ինչպես հայտնել են Facebook–ից, սոցցանցում օրական բեռնվում է մոտ 1 մլրդ տեսահոլովակ, որոնց մեծ մասը ներբեռնվում և դիտվում է բջջային սարքերով։ Համեմատության համար` 2012 թվականին YouTube–ում օրական բեռնվել է մոտ 4 մլրդ տեսահոլովակ։

Ինչպես և նախկինում, Facebook–ում տեսանյութը կմիանա ավտոմատ` թարմացումների ժապավենի դիտման ժամանակ։ -0-