Signal –ի և WhatsApp–ի վրա կազմակերպվում են թիրախային հարձակումներ․ մեդիափորձագետը զգուշացնում է
04.02.2025,
12:02
Տեղեկատվական անվտանգության փորձագետ Սամվել Մարտիրոսյանը զգուշացնում է, որ Signal–ի և WhatsApp–ի վրա կազմակերպվում են թիրախային հարձակումներ
ԵՐԵՎԱՆ, 4 փետրվարի․/ԱՌԿԱ/․ Տեղեկատվական անվտանգության փորձագետ Սամվել Մարտիրոսյանը զգուշացնում է, որ Signal–ի և WhatsApp–ի վրա կազմակերպվում են թիրախային հարձակումներ։
«Հիմա անհայտ ինչ–որ հաքերային խումբ Signal–ով տարածում է տարբեր հղումներ՝ իբր հրավերով խումբ մտցնելու։ Դա հաճախ ուղարկվում է այն մարդկանց, որոնք տեղեկատվական գաղտնիքի կրող են կամ օրինակ կարող են կապ ունենալ նմանատիպ գործողությունների հետ», – զգուշացնում է Մարտիրոսյանը Facebook–յան էջում տարածված տեսանյութում։
Նրա խոսքով, փորձ է արվում գողանալ հենց Signal–ի օգտահաշիվը կամ հափշտակել WhatsApp–ի գրանցման կոդերը։
Նա կոչ է արել լինել զգույշ։
«Անծանոթներից եկող հրավերների վրա քլիք մի արեք, միացրեք երկփուլայինը (պաշտպանություն, խմբ․)», – նշել է փորձագետը։