Կատարածուները ռուսներին միլիոնավոր sms–ներ կուղարկեն պարտքերի մասին
23.01.2013,
12:13
Դատական կատարածուները պարտքերի մասին ավելի քան 8 մլն sms–հաղորդագրություն են նախատեսում 2013թ.–ին ուղարկել ռուսներին, չորեքշաբթի տեղեկացրել է Դատական կատարածուների դաշնային ծառայության ղեկավար Արթուր Պարֆենչիկովը։
ԵՐԵՎԱՆ, 23 հունվարի. /ԱՌԿԱ/. Դատական կատարածուները պարտքերի մասին ավելի քան 8 մլն sms–հաղորդագրություն են նախատեսում 2013թ.–ին ուղարկել ռուսներին, չորեքշաբթի տեղեկացրել է Դատական կատարածուների դաշնային ծառայության ղեկավար Արթուր Պարֆենչիկովը։
Ըստ նրա` կատարածուները պարտապաններերի sms–հիշեցումներն իրականացնում են արդեն Ռուսաստանի 30 շրջաններում։ Ըստ Պարֆենչիկովի տվյալների` փորձի արդյունքում, ծառայության կայքի միջոցով պարտքի վճարման ցուցանիշները բարձրացել են ավելի քան 20 տոկոսով, հաղորդում է «ՌԻԱ Նովոստին»։
«2013թ.–ին նախատեսվում է ավելի քան 8 մլն sms–հաղորդագրություն ուղարկել»,– տարվա արդյունքների մասին կոլեգիայի ժամանակ արձանագրել է Պարֆենչիկովը։ –0–