Apple–ը ցուցադրել է նոր MacBook Pro–ն (ԼՈՒՍԱՆԿԱՐՆԵՐ ԵՎ ՏԵՍԱՆՅՈՒԹ)
ԵՐԵՎԱՆ, 28 հոկտեմբերի. /ԱՌԿԱ/. Apple ընկերությունը հոկտեմբերի 27-ին Կուպերտինոյում կայացած շնորհանդեսի ժամանակ ներկայացրել է թարմացված MacBook Pro-ն: Սարքի առանձնահատկությունը սենսորային էկրանն է` տեղակայված նոութբուքի ստեղնաշարի վերին հատվածում:
Ինչպես հաղորդում է gazeta.ru-ն, Apple-ի երկրպագուները հույս ունեին, որ անուշադրության չի մատնի առկ լափթոփերի շարքերը: Սակայն շնորհանդեսի ժամանակ ընկորությունը ներկայացրել է միայն MacBook Pro-ի թարմացումը` հիասթափեցնելով Macbook-ի և Macbook Air-ի երկրպագուներին:
Թարմացված նոութբուքի գլխավոր հատկանիշը ստեղնաշարի վերին հատվածում տեղադրված Retina դիսփլեյն է, որը ստացել է Touch Bar անվանումը: Փաստացիորեն այն փոխարինել է կոճակների մի ամբողջ շարք` Esc կոճակից մինչև սարքի անջատման կոճակը: Շնորհանդեսի մեծ մասը նվիրված էր հենց դրան:
F կոճակներն անցան պատմության գիրկը
Touch Bar-ի աջ հատվածի վերջում գտնվում է մատնահետքերի Touch ID սքաները, որը թույլ է տալիս մուտք գործել MacBook Pro-ի անձնական գրասենյակ` առանց լոգինը և գաղտնաբառը գրելու: Եթե նոութբուքից միանգամից մի քանի մարդ է օգտվում, սարքը թոււյլ կտա արագ մուտք գործել սեթական պրոֆիլ` ճանաչելով աքաունթի սեփականատիրոջ մատնահետքը: Վերջինիս միջոցով էլ աշխատելու է նաև Apple Pay վճարային համակարգը` առցանց գնումներ կատարելիս:
Օգտատերը կարող է հարմարեցնել այդ սենսորային հատվածն իր ուզածի պես` ընտրելով անհրաժեշտ գործառույթները կամ կոճակների համադրությունը:
Touch Bar-ը պահպանում է Apple-ի նոութբուքերի F1–F12 կոճակների ստանդարտ գործառույթները: Վերացնելով ֆիզիկական կոճակները` ընկերությունը սենսորային էկրանը օժտել է այնպիսի սովորական օպցիաներով, ինչպիսիք են էկրանի վառ լինելը, ստեղնաշարի, երաժշտության և ձայնի բարձրության կառավարումը:
Բացի այդ, օգտատերը կարող է չսահմանափակվել տվյալ հավաքածուով, այլ հարմարեցնել Touch Bar-ը իր ճաշակին` հատուկ հրահանգներ տալով փոքրիկ էկրանին, ինչը թույլ կտա չհիշել Ctrl+Shift+S (ֆայլը հիշել), Cmd+Shift+3 (սքրինշոթ անել), Cmd+F (գտնել) և այլ համադրությունները:
Apple-ը խոստացել է մշակողներին հնարավորություն ընձեռել մշակել նոր պանելի սեփական որոշումները:
Նոր MacBook Pro–ի էկրանը 13 և 15 դյույմանոց է։ Երկրորդ մոդելը 4 տոկոսով բարակ է, 20 տոկոսով փոքր ծավալով և 200 գրամով ավելի թեթև։
Մկնիկի գործառույթ կատարող հատվածը զգալիորեն մեծացվել է նախորդ մոդելների համեմատ:
Համակարգիչը ներկայանալու է 13 և 15 դյույմ անկյունագծերով և երկու գունային տարբերակով` բաց և մուգ մոխրագույն: 13 դյույմ անկյունագծով MacBook Pro-ի հաստությունը կկազմի 14.9 մմ, այսինքն` 3.1 մմ-ով ավելի բարակ, քան նախորդ մոդելը:
Նորագույն MacBook Pro նոթբուքերը կարժենան 1799 և 2399 դոլար` 13 և 15 դյույմ անկյունագծերով տարբերակները համապատասխանաբար: -0-