Եռամյա ընդմիջումից հետո Hewlett-Packard–ը սմարթֆոններ է ներկայացրել

ԵՐԵՎԱՆ, 16 հունվարի. /ԱՌԿԱ/.  Hewlett-Packard ընկերությունը վերադարձել է սմարթֆոնների շուկա երկու «ֆաբլետով»` 6 դյույմանոց էկրանով HP Slate6 VoiceTab և 7–դյույմանոց էկրանով HP Slate7 VoiceTab, գրում է cnews.ru–ն։

HP Slate6 VoiceTab–ի էկրանի թողունակությունը կազմում է 1280 x 800 պիքսել (թողունակությունը` 245 ppi), Slate7 VoiceTab–ի թողունակությունը նույնն է։

HP–ն սարքի մանրամասն տեխնիկական բնութագրերը չի հրապարակել` նախնական տվյալներ է հայտնել Re/code ռեսուրսը։

Երկու «ֆաբլետները» զինված են 4–միջուկանի պրոցեսորով,  SIM-քարտի երկու բնիկով (երկու առանձին ռադիոմոդուլներով` 2G/3G), 1 ԳԲ օպերատիվ հիշողությամբ և 16 ԳԲ ներկառուցված հիշողությամբ, 2 ՄՊ դիմային և 5 ՄՊ հիմնական խցիկներով, ստերեոդինամիկներով։ Ունի microSD հիշողության քարտի բնիկ։  Երկու սարքերն էլ աշխատում են ОС Android 4.2.2 Jelly Bean օպերացիոն համակարգով։

Սմարթֆոնների ամբողջ պարամետրերը չեն նշվում, միայն հաստությունը` Slate6 VoiceTab–ը` 9 մմ և  Slate7 VoiceTab–ը` 9.5 մմ։

HP–ն մտադիր է նորույթները վաճառել միայն Հնդկաստանում` 2014 թվականի փետրվարին։ Սարքերի գինը հայտնի չէ։ -0-