Թվայնացվում են ՀՀ քաղաքացիություն ստանալու և քաղաքացիությունը դադարեցնելու գործընթացները
ԵՐԵՎԱՆ, 7 հոկտեմբեր․/ԱՌԿԱ/. ՀՀ քաղաքացիության ստացման և դադարեցման դիմումներն արդեն հնարավոր է ներկայացնել https://mcs-citizenship.am էլեկտրոնային համակարգի միջոցով․ նախագործարկվում է քաղաքացիության նոր համակարգը։ Այս մասին հայտնում է ՆԳՆ Միգրացիայի և քաղաքացիության ծառայությունը։
Հիշեցնենք, որ 2026 թվականի հունվարի 1-ից դիմումների ընդունումն ու հերթագրումը կիրականացվի բացառապես քաղաքացիության գործերի նոր էլեկտրոնային համակարգի միջոցով։
Դիմումատուները հնարավորություն կունենան․
-առցանց գրանցվել հարթակում,
-ստեղծել, խմբագրել և ներկայացնել ՀՀ քաղաքացիություն ստանալու կամ դադարեցնելու նախնական հայտ,
-ամրագրել Միգրացիայի և քաղաքացիության ծառայություն այցելության օր՝ ոչ շուտ, քան 2026 թվականի հունվարի 22-ը։
Վարչարարության որոշակի փուլում դիմումատուներից կպահանջվի մեկ անգամ մոտենալ Միգրացիայի և քաղաքացիության ծառայության գրասենյակ՝ ֆիզիկական նույնականացում անցնելու և բնօրինակ փաստաթղթերի ստուգման նպատակով։