Հայաստանում Մեծ Բրիտանիայի դեսպանությունը ֆոտոցուցահանդես է կազմակերպում Facebook–ում

ԵՐԵՎԱՆ, 25 հոկտեմբերի. /ԱՌԿԱ/. Հայաստանում «Մեծ Բրիտանիայի» օրերի  շրջանակում լուսանկարների մրցույթ կանցկացվի, նշված է Մեծ Բրիտանիայի դեսպանության Facebook սոցիալական ցանցի էջում։

Դեսպանության կազմակերպած մրցույթին մասնակցելու համար պահանջվում է գտնել Բրիտանիան խորհրդանշող ինչ–որ առարկա, խորհրդանիշ կամ վայր, լուսանկարել, վերնագրել դրանք և տեղադրել դեսպանության Facebook–յան էջում։

Հատուկ հանձնաժողովը կընտրի լավագույն աշխատանքը, որը կարժանանա հատուկ մրցանակի։ Նախատեսվում է նաև «հանդիսատեսի համակրանք» մրցանակի խաղարկություն անցկացնել, որին կարժանանա առավելագույն «լայքեր» հավաքած լուսանկարը։

Լուսանկարներ ներկայացնելու վերջնաժամկետը նոյեմբերի 8–ն է։

«Britain is…» կարգախոսով Մեծ Բրիտանիայի օրերն անցնում են Հայաստանում այս տարվա հոկտեմբերի 1-31–ը։ -0-