ՌԴ նախարարը Instagram-ում հայտարարեց, որ չեն օգտագործի ԱՄՆ-ի ԾԱ-ները
ԵՐԵՎԱՆ, 24 մարտի. /ԱՌԿԱ/. ՌԴ կապի և զանգվածային հաղորդակցությունների նախարար Նիկոլայ Նիկիֆորովը կարծում է, որ ամերիկացիներն իրենք խաչ քաշեցին ռուս պաշտոնյաների համակարգիչներում իրենց ծրագրային ապահովման օգտագործման վրա։
Այդպես նա արձագանքեց The Wall Street Journal-ում տպագրված` ԱՄՆ-ի կողմից Ռուսաստանի նկատմամբ զանգվածային տեղեկատվական հետախուզության մասին հոդվածին։
«Ամերիկացի ուժայիններն իրենք են խաչ քաշում Ռուսաստանի պետական և պետականամերձ ոլորտում ԱՄՆ սարքավորումների և ծրագրային ապահովման հետագա օգտագործման վրա»,- գրել է նա Instagram-ի իր էջում, հաղորդում է «ՌԻԱ Նովոստին»։
Ի դեպ, լուսանկարների և տեսանյութերի փոխանակման Instagram ծառայությունը ստեղծվել է Սան Ֆրանցիսկոյում (Կալիֆոռնիա, ԱՄՆ) երկու` ամերիկացի և բրազիլացի ծրագրավորողների կողմից։--0--