Twitter–ը թարմացրել է TweetDeck տարբերակները բրաուզերների և դեսքթոփային պլատֆորմների համար

ԵՐԵՎԱՆ, 11 հոկտեմբերի. /ԱՌԿԱ/. Twitter միկրոբլոգերի սերվիսը թարմացրել է իրոն պատկանող TweetDeck ներդիրի տարբերակն ինտերնոտ բրաուզերների և դեսքթոփային պլատֆորմների համար` ավելացնելով տառատեսակի չափը փոխելու և ֆոնի գույնն ընտրելու հնարավորությունը, հաղորդում է ՌԻԱ Նովոստին` հղում անելով TweetDeck–ի հաղորդագրությանը։

«Այսօր մենք թարմացրել ենք TweetDeck ներդիրի վեբ–տարբերակը, ինչպես նաև Chrome բրաուզերի, Mac OS և Windows օպերացիոն համակարգերով համակարգիչների ներդիրները»,– նշում են մշակողները։

Առավել ակնհայտ թարմացումներից մեկը TweetDeck–ի երանգի ընտրության հնարավորությունն է` նախկինում ներդիրում օգտագործվում էր բացառապես սև ֆոնը, որտեղ տեքստերի հատվածները ներկված էին մոխրագույնով, իսկ տեքստը` սպիտակ գույնով։ Այժմ օգտագործողները հնարավորություն ունեն անցնել սպիտակ ֆոնի՝ մուգ տեքստով: Նոր դիզայնն իր տեսքով մոտեցվել է Twitter–ի օրիգինալ տարբերակին։ Ֆոնը կարելի է փոխել ներդիրի վերին հատվածում հատուկ ինդիկատորի օգնությամբ։ -0-