Վիվասել-ՄՏՍ-ի կազմակերպած խաղարկությունն արդեն սկսվել է

ԵՐԵՎԱՆ, 25 ապրիլի. /ԱՌԿԱ/. Անհատապես վճարող հետվճարային բաժանորդները կարող են մասնակցել հատուկ խաղարկության և շահել սմարթֆոն, տեղեկացնում են Վիվասել-ՄՏՍ-ի մամուլի ծառայությունից:

Ինչպես նշված է հաղորդագրության մեջ, խաղարկությանը մասնակցելու համար անհրաժեշտ է, որ ս.թ. ապրիլի 1-ից հունիսի 30-ը բաժանորդի օգտագործած ծառայությունների ընդհանուր արժեքը կազմի առնվազն 30000 դրամ:
 
Այս ընթացքում ունեցած հաշիվ-ապրանքագրերի ընդհանուր գումարը բաժանորդը կարող է ստուգել` ուղարկելով *317# հրահանգը: Իսկ գումարը 30000 դրամի հասնելու դեպքում բաժանորդին կտեղեկացնեն նաև խաղարկության մանրամասների մասին:

ՎիվաՍել-ՄՏՍ-ը (Ղ-Տելեկոմ ՓԲԸ) Հայաստանի շարժական կապի առաջատար օպերատորն է, որն ունի 2G/3.75G/4G ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում:—0-