VivaCell-MTS––ն առաջարկում է USB մոդեմ Skype–ի համար

ԵՐԵՎԱՆ, 22 հունվարի. /ԱՌԿԱ/. VivaCell-MTS––ն իր բաժանորդերին առաջարկում է USB մոդեմ Skype ծառայությունից օգտվելու համար` ինտերնետային սակագնային պլաններից մեկին 12 ամսով բաժանորդագրվելու դեպքում, հաղորդում է ընկերության մամուլի ծառայությունը։

«Բաժանորդագրվելով «ՄՏՍ կոնեկտ ուսանողական», «ՄՏՍ կոնեկտ անսահմանափակ» և «ՄՏՍ կոնեկտ անսահմանափակ+» հետվճարային ինտերնետային սակագնային պլաններից մեկին 12 ամսով՝ բաժանորդը կարող է ստանալ մինչև 42,2 Մբիթ/վրկ արագություն ապահովող և Skype ծառայությունից օգտվելու համար օպտիմացված «ՄՏՍ կոնեկտ E3351» USB մոդեմն անվճար», – նշվում է հաղորդագրության մեջ։

Այս տարբերակով սակագնային պլանի բաժանորդագրվելիս «Skype» ծառայությունը ակտիվացնելու դեպքում «Skype» օգտագործելիս ինտերնետի սպառվող ծավալը չի հանվում սակագնային պլանով ամսական տրամադրվող գերարագ փաթեթից։

Բացի այդ, «Skype» ծառայությունից օգտվելու ընթացքում սակագնային պլանով նախատեսված գերարագ ինտերնետ-փաթեթը սպառելիս արագությունը սակագնային պլանով չի սահմանափակվում։

«Skype» ծառայության ակտիվացման արժեքը կազմում է ամսական 500 դրամ: Մոդեմի արժեքը 50 000 դրամ է՝ առաջարկվող սակագնային պլաններից մեկին անժամկետ բաժանորդագրվելու դեպքում:

VivaCell-MTS (Ղ-Տելեկոմ) ընկերությունը հայկական շուկայում գործում է 2005 թվականից: Ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին:–0–