ՎիվաՍել-ՄՏՍ-ի «Լիցք» ծառայության միջոցով վերալիցքավորման դեպքում միջնորդավճար չի գանձնվում
ԵՐԵՎԱՆ, 30 մայիսի. /ԱՌԿԱ/. ՎիվաՍել-ՄՏՍ-ի` կանխավճարային հեռախոսահամարների հաշվեկշռի «Լիցք» ծառայության միջոցով վերալիցքավորման դեպքում միջնորդավճար չի գանձնվում, հայտնում է ընկերության մամուլի ծառայությունը։
Ինչպես նշվում է հաղորդագրությունում, «Լիցք» ծառայությունը գործել է այդ սկզբունքով գործարկման առաջին օրվանից:
«ՎիվաՍել-ՄՏՍ-ը կոչ է անում իր բաժանորդներին հետևել և պահանջել, որ լիցքավորման գումարը հաշվեկշռին փոխանցվի ամբողջությամբ», – ասվում է հաղորդման մեջ։
ՎիվաՍել-ՄՏՍ (Ղ-Տելեկոմ) ընկերությունը հայկական շուկայում գործում է 2005 թվականից: Ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին։ -0-