VivaCell-MTS –ը ներկայացրել է 42,2 Մբիթ/վրկ արագությամբ «ՄՏՍ Hay-Fi» շարժական մոդեմը
ԵՐԵՎԱՆ, 3 հունիսի./ԱՌԿԱ/. VivaCell-MTS բջջային օպերատորը ներկայացրել է 42,2 Մբիթ/վրկ արագությամբ «ՄՏՍ Hay-Fi» շարժական մոդեմը, տեղեկացրել են ընկերության մամուլի ծառայությունից։
Բաժանորդագրվելով VivaCell-MTS -ի կողմից առաջարկվող «ՄՏՍ կոնեկտ» անսահմանափակ ինտերնետային սակագնային պլաններից մեկին առնվազն 18 ամսով` կարելի է ստանալ տվյալների փոխանցման մինչև 42,2 Մբիթ/վրկ արագություն ապահովող «ՄՏՍ Hay-Fi» մոդեմը՝ հատուկ պայմաններով:
Այսպես, «ՄՏՍ կոնեկտ անսահմանափակ+» կամ «ՄՏՍ կոնեկտ անսահմանափակ» սակագնային պլաններին բաժանորդագրվելու դեպքում «ՄՏՍ Hay-Fi» մոդեմը կտրամադրվի անվճար, «ՄՏՍ կոնեկտ ուսանողական» սակագնային պլանին բաժանորդագրվելու դեպքում մոդեմը կտրամադրվի 3 հազար դրամով, իսկ «ՄՏՍ կոնեկտ 256» ՍՊ–ին բաժանորդագրվելու դեպքում` 5 հազար դրամով։
Մոդեմն ապահովում է շարժական ինտերնետ և թույլ է տալիս կիսել այն ընկերների, ընտանիքի ու գործընկերների հետ: Գրպանում տեղավորվող այս հարմար սարքի առավելություններն են` ինտերնետի և ներքին ցանցի հնարավորություն` մինչև 10 սարքի համար (նոութբուք, համակարգիչ, պլանշետային համակարգիչ, սմարթֆոն, տեսա- կամ ֆոտոխցիկ, խաղային սարքեր և այլն), պաշտպանված ներքին ցանց և ինտերնետ, անմիջապես համակարգչից SMS ուղարկելու և ստանալու հնարավորություն:
Անժամկետ բաժանորդագրության դեպքում «ՄՏՍ Hay-Fi»-ն արժե 32 000 դրամ: Բոլոր գները ներառում են ԱԱՀ:
VivaCell-MTS-ի DC-HSPA+ (մինչև 42.2 Մբիթ/վրկ` ներբեռնման և մինչև 5.76 Մբիթ/վրկ` վերբեռնման համար) ծածկույթն ընդգրկում է Հայաստանի բնակելի տարածքների ավելի քան 87%-ը:
VivaCell-MTS (Ղ-Տելեկոմ) ընկերությունը հայկական շուկայում գործում է 2005 թվականից: Ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին: ($1 – 413,59 դրամ) –0-