VimpelCom-ը մտադիր է ընդլայնել Հայաստանում 4G/LTE ցանցը և տեսազանգ կգործարկի

ԵՐԵՎԱՆ, 25 նոյեմբերի. /ԱՌԿԱ/. VimpelCom ընկերությունը մտադիր է ընդլայնել Հայաստանում 4G/LTE ցանցը` ապահովելով ցանցի լայն ծածկույթ, ուրբաթ Երևանում լրագրողներին ասաց VimpelCom ընկերության գործադիր տնօրեն Ժան Իվ Շարլին:

«ԱրմենՏել» ՓԲԸ-ն (ապրանքանիշը` Beeline) Երևանում սեպտեմբերի 7-ից իր բաժանորդների համար գործարկել է չորրորդ սերունդի 4G/LTE շարժական ցանցը: Երևանի տարբեր շրջաններում տեղադրվել են շուրջ 70 կայաններ, որոնք թիվը նախատեսվում է մոտ ապագայում հասցնել 150-ի: Նոր ցանցը թույլ է տալիս օգտվել շարժական ինտերնետից մինչև 60Մբ/վ արագությամբ:

«Մենք մտադիր ենք արդիականացնել Երևանի ցանցը, ավելացնել ծածկույթը, ինչը թույլ կտա այդ թվում Հայաստանում տեսազանգի ծառայության կիրառման հնարավորություն ներդնել», - ասաց Շարլին: Որպես հաջորդ քայլ նա նշեց համակցված հեռահաղորդակցական ծառայությունների և թվային հեռուստատեսության ներդնումը:

Նա ընդգծեց, որ ապագան բարձր արագությամբ ինտերնետինն է և ինտերնետ տեխնոլոգիաներինը, որոնք ընկերությունն ակտիվորեն կզարգացնի Հայաստանում:

Շարլին նաև նշեց, որ 2017 թ.-ին ընկերությունը նախատեսում է ընդլայնել 4G/LTE ծածկույթի գոտին Հայաստանի բոլոր խոշոր քաղաքներում:

VimpelCom ընկերության տնօրենների խորհուրդի անդամ, ընկերության` Եվրասիական երկրների գծով գործադիր տնօրեն Միխայիլ Գերչուկը 4G/LTE ցանցի առավելությունների թվում նշեց, որ այն ապահովում է ավելի մեծ տարածքների ծածկույթ` ինտերնետ մուտք գործելու հնարավորություն տրամադրելով նույնիսկ առանձին գյուղերում, ինչը հատկապես ակտուալ է Հայաստանի համար:

Նա ընդգծեց, որ Հայաստանն աշխարհում երրորդ երկիրն է VimpelCom ընկերությունների խմբում, որը ներդրել է այս տեխնոլոգիաները` բավականին նորարար Նորվեգիայից և Շվեդիայից հետո:

«Մեզ համար կարևոր է նոր սերնդի ծառայությունների և տեխնոլոգիաների ներդրումը հայկական շուկայում, որոնց կիրառումից հետո դրանք տարածվում են նաև այն երկրներում, որտեղ խումբը ներկայացուցչություն ունի», - ասաց Գերչուկը:

«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ:-0-