USD
381.43
EUR
440.89
RUB
4.8627
GEL
141.17
2025 թ. նոյեմբերի 30, կիրակի
եղանակը
Երևանում
+7

Ucom ռոումինգի՝ մի շարք երկրների համար իջեցված սակագինը կմնա 9 դ/մբ

12.09.2023, 17:07
Արձակուրդային սեզոնից հետո Ucom ամառային առաջարկի շրջանակում  Բուլղարիայում՝ Yettel, Հունաստանում՝ Cosmote, Իսպանիայում՝ Orange և Մոնտենեգրոյում Mtel օպերատորների ցանցում ինտերնետի իջեցված սակագինը կմնա անփոփոխ՝ 9 Դ/ՄԲ
Ucom ռոումինգի՝ մի շարք երկրների համար իջեցված սակագինը կմնա 9 դ/մբ
ԵՐԵՎԱՆ, 12 սեպտեմբերի./ԱՌԿԱ/. Արձակուրդային սեզոնից հետո Ucom ամառային առաջարկի շրջանակում Բուլղարիայում՝ Yettel, Հունաստանում՝ Cosmote, Իսպանիայում՝ Orange և Մոնտենեգրոյում Mtel օպերատորների ցանցում ինտերնետի իջեցված սակագինը կմնա անփոփոխ՝ 9 Դ/ՄԲ, հաղորդում է Ucom ընկերության մամուլի ծառայությունը։

Միևնույն ժամանակ Կիպրոսի` epic, Իտալիայի` WINDTRE և Vodafone, ինչպես նաև Հունաստանի Vodafone օպերատորների ցանցում բաժանորդները կշարունակեն օգտվել ինտերնետի՝ 15 դրամ/ՄԲ սակագնից:

«Ucom շարժական կապի բաժանորդները միշտ կարող են Ucom բջջային հավելվածից ընտրել «Ինտերնետ ռոումինգում» 300 ՄԲ, 1ԳԲ, 2ԳԲ, 3ԳԲ և ամենածավալուն՝ «Ինտերնետ ռոումինգում 8ԳԲ» փաթեթներից մեկը, որպեսզի ցանկացած պահի ճամփորդության ընթացքում կապի մեջ մնան իրենց մտերիմների հետ ամենամատչելի տարբերակով», - նշել է «Յուքոմ» ընկերության գլխավոր տնօրեն Ռալֆ Յիրիկյանը։

Հիշեցնենք, որ 9 դրամ/ՄԲ սակագինն անժամկետ գործում է Եգիպտոսում՝ Orange, Վրաստանում՝ Geocell/Magticom, ԱՄԷ-ում՝ du և ԱՄՆ-ում՝ T-Mobile օպերատորներին միանալիս: Հավելենք նաև, որ ռոումինգի ծառայությունն անհրաժեշտ է ակտիվացնել Հայաստանից մեկնելուց առաջ՝ Ucom բջջային հավելվածի օգնությամբ կամ հավաքելով *121# և հետևելով սմարթֆոնի էկրանին հայտնվող հրահանգներին:-0-