Ucom-ի բաժանորդները կշարունակեն օգտվել ռոմինգի 15Դ/ՄԲ մատչելի սակագնից Վրաստանում և ևս 41 երկրում
ԵՐԵՎԱՆ, 26 սեպտեմբերի. /ԱՌԿԱ/. Ռոմինգում գտնվելիս Ucom-ի բաժանորդները կշարունակեն օգտվել ինտերնետի մատչելի սակագնից մինչև 2019թ․ հունվարի 31-ը։
Մասնավորապես՝ շարժական կապի բաժանորդներն ընդամենը 15 դրամ/ՄԲ սակագնով կարող են կապի մեջ մնալ իրենց մտերիմների հետ Եգիպտոսում, Հունաստանում, Իսպանիայում, Իտալիայում, Վրաստանում և ևս 37 երկրում ճամփորդելիս, հաղորդում է Ucom–ի մամուլի ծառայությունը։
«Ավելին՝ Վրաստանում ռոմինգի ժամանակ Ucom-ի բաժանորդները կարող են միանալ Magticom կամ Geocell օպերատորներին, ակտիվացնել 100 ՄԲ ինտերնետ փաթեթը 1200 դրամով, 300 ՄԲ փաթեթը 3000 դրամով և 1 ԳԲ ծավալով փաթեթն ընդամենը 8000 դրամով», - նշել է Ucom ընկերության համահիմնադիր և գլխավոր տնօրեն Հայկ Եսայանը։
Հավելենք, որ բոլոր փաթեթների վավերականության ժամկետը 30 օր է։ Պարզապես Հայաստանից մեկնելուց առաջ անհրաժեշտ է հավաքել *121#, ակտիվացնել ռոմինգի ծառայությունը և ընտրել հարմար տարբերակը:
Օպերատորների և երկրների ամբողջական ցանկը հասանելի է հետևյալ հղումով։
Ucom ընկերությունը Հայաստանում 2009թ. սկսած կառուցել է գերժամանակակից օպտիկամանրաթելային ցանց, որը հնարավորություն է տալիս մեկ կապուղով մատուցել երեք ծառայություն՝ ինտերնետ, հեռուստատեսային ծառայություն և հեռախոսակապ:–0–