Թվային հեռուստատեսային ալիքների հեռարձակումը ժամանակավորապես կդադարեցվի
Այսօր,
11:53
Ժամանակավոր դադարեցումը պայմանավորված է պլանային պրոֆիլակտիկ աշխատանքներով
ԵՐԵՎԱՆ, 2 մարտի․/ԱՌԿԱ/․ Թվային հեռուստատեսային ալիքների հեռարձակումը ժամանակավորապես կդադարեցվի։
Այս մասին հայտնում է ԲՏԱ նախարարության մամուլի ծառայությունը։
«Հայաստանի հեռուստատեսային և ռադիոհաղորդիչ ցանց» ընկերությունը տեղեկացնում է, որ մարտի 3-ին՝ ժամը 01։00-07։00-ն ընկած ժամանակահատվածում, թվային հեռուստատեսային հեռարձակման ցանցում նախատեսված պլանային պրոֆիլակտիկ աշխատանքներով պայմանավորված` հեռուստատեսային ալիքների հեռարձակումը ժամանակավորապես կդադարեցվի»,-նշվում է հաղորդագրության մեջ։