Temu-ում հայկական տվյալների արտահոսք է եղել
ԵՐԵՎԱՆ, 17 սեպտեմբերի./ԱՌԿԱ/. CyberHub-ի ինժեներ Լևոն Իսաջանյանը Facebook-ի իր էջում գրել է Temu-ում անձնական տվյալների արտահոսքի մասին։
Նրա խոսքով՝ օնլայն առևտրի համար օգտագործվող Temu պլատֆորմում հայկական տվյալներ կան, որոնց արտահոսք է եղել։
«Threat Actor-ը կարողացել է էքսֆիլտրացնել 87 միլիոն հաճախորդի տվյալ, որում նշված է, որ կան ՀՀ տվյալներ։ Ոնց հասկանում եմ, արտահոսել է UserId, Username, e-mail, address, IP address, Gender, Phone Number, DOB: Կան այլ տվյալներ, որոնք գտնվում են հէշավորված վիճակում կամ այլ՝ Boolean մակարդակում, ինչը հնարավոր չէ իդենտիֆիկացնել՝ մինչ չլինի ամբողջ տվյալների շտեմարանը»,- գրել է Իսաջանյանը։
Տեղեկատվական անվտանգության փորձագետները խորհուրդ են տալիս փոխել Temu–ի գաղտնաբառը։
Նշենք նաև, որ օրեր առաջ տեղեկատվական անվտանգության փորձագետ Սամվել Մարտիրոսյանը ևս Facebook-ի իր էջում անդրադարձել է Temu-ում անձնագրի տվյալներ տեղադրելու անվտանգությանն առնչվող հարցին՝ նշելով տվյալների արտահոսքի հնարավորությունը։