Telegram–ի կանոնները խախտած մարդկանց IP հասցեներն ու հեռախոսահամարները կարող են փոխանցվել իրավապահներին․ Դուրով
ԵՐԵՎԱՆ, 24 սեպտեմբերի․/ԱՌԿԱ/․ Telegram–ը, իրավապահ հարցումներին ի պատասխան, կարող է իրավապահ մարմիններին փոխանցել այն մարդկանց IP հասցեներն ու հեռախոսահամարները, ովքեր խախտում են Telegram–ի կանոնները, հայտարարել է Telegram–ի հիմնադիր Պավել Դուրովը։
Նրա խոսքով, չարագործներն օգտվել են Telegram–ի որոնումներից՝ ապօրինի ապրանքներ վաճառելու համար, բայց վերջին մի քանի շաբաթվա ընթացքում Telegram–ի մոդերատորների թիմը մեսենջերում որոնողական համակարգը դարձրել է ավելի անվտանգ, իսկ ապօրինի կոնտենտն այլևս անհասանելի է։
«Որպեսզի չարագործները չկարողանան չարաշահել Telegram–ի որոնողական համակարգը, մենք թարմացրել ենք Սպասարկման պայմաններն ու Գաղտնիության քաղաքականությունն՝ ապահովելով դրանց միատեսակությունն ամբողջ աշխարհում»,- ասել է Դուրովը, հայտնում է ՌԲԿ–ն։