Telcell –ը հայտարարում է, որ իր համակարգում այս պահին ոչ մի ընթացիկ ակցիաներ և շահումներ չկան
ԵՐԵՎԱՆ, 9 փետրվարի. /ԱՌԿԱ/. Telcell ընկերությունը հայտարարում է, որ իր համակարգում այս պահին ոչ մի ընթացիկ ակցիաներ և շահումներ չկան։
Օրերս համակարգի որոշ օգտատերեր ստացել են հաղորդագրություններ` ընկերության ակցիաներին մասնակցելու առաջարկով։
«Telcell համակարգում այս պահին ոչ մի ընթացիկ ակցիաներ և շահումներ չկան և լինելու դեպքում դրա մասին պաշտոնապես տեղեկատվությունը կարող է լինել միայն www.telcell.am կայքում և ընկերության ֆեյսբուքյան պաշտոնական էջում», – նշել են ընկերության մամուլի ծառայությունից։
Ընկերությունը հորդորում է լինել զգոն և չընկնել զերծարարների ծուղակը։
«Ընկերության անունից որևէ տարօրինակ հաղորդագրություն ստանալու դեպքում, դրա իսկությանը համոզվելու համար, կարող եք ճշտումներ կատարել զանգահարելով մեր զանգերի կենտրոն՝ +374 60 272222 հեռախոսահամարով», – նշվում է Telcell–ի տարածած հաղորդագրության մեջ։
«Telcell» ՓԲԸ–ն վճարային համակարգ է, այն սկսել է գործել 2007 թ.–ի օգոստոսի 4–ին` գործարկելով Հայաստնում առաջին վճարային համակարգը ինքնասպասարկման տերմինալների միջոցով։
Այս պահին ընկերության վճարային տերմինալների միջոցով ընդունվում են կապի և տարբեր ծառայություններ մատակարարող ավելի քան 100 ընկերությունների վճարներ։ –0–