Shadowmatic հայտնի հայկական խաղն այսուհետ հասանելի է նաև AppleTV–ում
«Այսուհետ դուք կարող եք խաղալ խաղը ձեր ընտանիքի և մտերիմների հետ միասին հեռուստացույցի էկրանի միջոցով և ցուցադրել ձեր վերացական մտածելակերպն ու գլուխկոտրուկներ լուծելու հմտությունները», – նշվում է հաղորդագրության մեջ։
Shadowmatic–ն ակտիվացնելու համար անհրաժեշտ է ներբեռնել այն AppleTV–ում։
Այս տարվա ամռանը հայ մշակողների ստեղծած Shadowmatic խաղն արժանացել է Apple Design Awards հեղինակավոր մրցանակին «Դիզայն և հարմարավետություն/բջջային հավելված» անվանակարգում։
Արդեն վաճառքի հիթ դարձած և շատերի կողմից սիրված Shadowmatic խաղը գործարկվել է այս տարվա հունվարի 15–ին։ Հավելվածը հասանելի է 14 լեզվով, այդ թվում` հայերեն։ Երեխաների պաշտպանության միջազգային օրվա կապակցությամբ խաղում ավելացվել են նաև Arcade Mode–ն ու մանկական նոր մակարդակներ։
Խաղի ժամանակ առաջարկվում են տարբեր չափի, ձևի պատկերներ` միաձույլ կամ առանձին, և խաղացողը պետք է պատկերները հավաքի այնպես, որ ստվերը վերածվի կոնկրետ օբյեկտի։ –0–