Հայաստանում Ռոստելեկոմի ղեկավարը դասախոսություն կարդաց ՀԱՀ–ի ուսանողների համար
ԵՐԵՎԱՆ, 20 ապրիլի. /ԱՌԿԱ/. «Ռոստելեկոմ» խմբի անդամ ՋԻԷՆՍԻ-ԱԼՖԱ ՓԲԸ գլխավոր տնօրեն Հայկ Ֆարամազյանը հանդես եկավ դասախոսությամբ Հայաստանի Ամերիկյան Համալսարանի ուսանողների համար, հայտնում է ընկերության մամուլի ծառայությունը։
Տնտեսական զարգացում և մրցունակություն (Economic Development and Competitiveness) առարկայի շրջանակում Բիզնեսի կառավարման և տնտեսագիտության ֆակուլտետի (College of Business & Economics) ուսանողները ծանոթանում են երկրի մրցունակության և տնտեսական զարգացման մոտեցումներին մակրո և միկրո (business-level) մակարդակներում։
Գլխավոր տնօրենը ներկայացրեց ոլորտում իր ունեցած բազմամյա փորձը, լսարանին հայաստանյան հեռահաղորդակցության ոլորտի վերջին տասնամյակի զարգացումները՝ մատնանշելով առանձնահատկությունները, հնարավորություններն ու մարտահրավերները, որոնց առնչվել է ընկերությունը կայուն զարգացման ճանապարհին։
«Այսօր իմ դասախոսությունը նպատակ ուներ բիզնեսի կառավարման տեսանկյունից ներկայացնելու հեռահաղորդակցության հայաստանյան ոլորտը, մեր ընկերության՝ ՋԻԷՆՍԻ-ԱԼՖԱ-ի բիզնես պատմությունը՝ ձևավորումն ու զարգացումը, մարտահրավերներն ու դրանց հաղթահարման մոտեցումները»,– նշեց Ֆարամազյանը:
Նա նշեց, որ և՛ հայաստանյան, և՛ միջազգային խոշոր ընկերությունների հաջողության հիմքում ընկած է փորձառությունն ու գիտելիքները, որ այսօր իր ուսանողներին են փոխանցում Հայաստանի Ամերիկյան Համալսարանի պես բարձրակարգ բիզնես դպրոցները։
«GNC-ALFA» ՓԲԸ-ն, որը «Ռոստելեկոմ» ԲԲԸ-ի հայկական դուստր ընկերությունն է, 2012 թ.-ի դեկտեմբերից սկսել է Հայաստանի տարածում Rostelecom ապրանքանիշով կապի ծառայությունների առաջխաղացում և վաճառք: 2012 թ.-ի վերջին Rostelecom-ն իր բաժանորդներին առաջարկել է գերարագ ինտերնետ և IP հեռուստատեսության և հեռախոսային կապի ծառայություններ:
GNC-ALFA ընկերության ցանցն ամբողջությամբ հիմնված է օպտիկամանրաթելային մալուխի վրա՝ ծածկելով ՀՀ տարածքի 80%-ն ու տարածվելով ավելի քան 2500 կմ: Ցանցը միացած է տարածաշրջանային հիմնական ուղիներին` Վրաստանի և Իրանի միջոցով:
«Ռոստելեկոմը» Ռուսաստանում դինամիկ կերպով զարգացող խոշորագույն հեռահաղորդակցական խումբն է, որը ծառայություններ է մատուցում երկրի ողջ տարածքում ոլորտի շուկայի բոլոր հատվածներում:
Ընկերությունն առաջատար դիրք է զբաղեցնում լայնաշերտ ինտերնետ հասանելիության ծառայությունների և վճարային հեռուստատեսության ռուսական շուկայում: Այժմ ընկերության բջջային կապի բաժանորդների թիվը կազմում է ավելի քան 13 մլն մարդ: -0-