ԵՏՀ-ն աշխատում է ՌԴ-ի, Բելառուսի և Ղազախստանի միջև ռոումինգը չեղյալ հայտարարելու ուղղությամբ
ԵՐԵՎԱՆ, 23 հոկտեմբերի. /ԱՌԿԱ/. Եվրասիական տնտեսական հանձնաժողովն աշխատում է Բելառուսի, Ռուսաստանի և Ղազախստանի միջև բջջային կապի ռոումինգը չեղյալ հայտարարելու հարցի ուղղությամբ, հինգշաբթի Մինսկում հայտարարել է ԵՏՀ-ի մրցակցության և հակամենաշնորհային կարգավորման հարցերով կոլեգիայի անդամ (նախարար) Նուռլան Ալդաբերգենովը:
«Առաջիկայում մենք պետք է չեղյալ հայտարարենք ռոումինգը», - ասել է Ալդաբերգենովը:
«Այցելել ենք Ղազախստան: Կապի գինն աճում է 20-30 անգամ: Միանգամից սկսում ենք օգտվել կապի մյուս տեսակներից, օրինակ՝ Viber-ից», - նշել է նա:
Ալդաբերգենովը նշել է. «Մենք բացեցինք սահմանները, այժմ հարկավոր է ավելի հեշտացնել կապը, որպեսզի հարկավոր չլինի փոխել SIM-քարտերը: Բացի այդ, տուժում է սահմանամերձ բնակչությունը, հաճախ չհասկանալով, թե որ երկրի օպերատորից է օգտվում»:
Նախարարը հույս է հայտնել, որ կողմերը կգան փոխըմբռնման այս հարցում՝ ավելացնելով, որ արդեն աշխատանք է ընթանում երեք երկրների հակամենաշնորհային մարմինների հետ: -0-