Orange Armenia-ն երկրում 3G–ցանցի ընդլայնման լրացուցիչ ռադիոհաճախականություններ է ստացել
ԵՐԵՎԱՆ, 25 դեկտեմբերի. /ԱՌԿԱ/. Հայաստանի Հանրային ծառայությունները կարգավորող հանձնաժողովը չորեքշաբթի Orange Armenia ընկերությանը ռադիոռելեային կապի 11 գծերի շահագործման թույլտվություն է տրամադրել։
Ինչպես նիստի ընթացքում նշեց ՀԾԿՀ հեռահաղորդակցուևթյունների վարչության պետ Գևորգ Գևորգյանը, տրամադրված ռադիոհաճախականությունները թույլ են տալիս ընկերությանն ընդլայնել 3G ցանցը Երևանում և մարզերում, ինչպես նաև բարձրացնել կապի որակը։
«Արդյունքում ընկերությունը կբարձրացնի մատուցվող ծառայությունների որակը չորս բնակավայրերում, ինչպես նաև ծածկույթ կապահովի չորս նոր բնակավայրերում»,– ասաց Գևորգյանը։
Նրա խոսքով` աշխատանքների կատարումից հետո կմնա 229 բնակավայր, որտեղ դեռ ցանցի ծածկույթ չկա, որոնցից 28 բնակավայրերում այդ ցանցը կազմում է 50 տոկոսից պակաս։
«Orange Armenia» -ն France Telecom (Orange ապրանքանիշ) 100%-նոց դուստրն է, մտել է հայկական շուկա 2009 թվականի նոյեմբերի 5–ին` ապահովելով ցանցի 95–տոկոսանոց ծածկույթ և բջջային ցանցի ու Համացանցի հասանելիություն հանրապետության 600 համայնքներում (քաղաքներում և գյուղերում)։ -0-