Նոր և ժամանակակից բրենդավորում «Ռոստելեկոմի» Վանաձորի գրասենյակում

ԵՐԵՎԱՆ, 7 նոյեմբերի. /ԱՌԿԱ/. «Ռոստելեկոմը» շարունակում է արդիականացնել և միջազգային չափորոշիչներին համապատասխանեցնել իր սպասարկման գրասենյակները, հաղորդում է ընկերության մամուլի ծառայությունը։

Կիրակի Վանաձորի Տիգրան Մեծ պողոտա 20 հասցեում պաշտոնապես բացվել է ընկերության` վաճառքի և սպասարկման արդի սրահը (ՎՍՍ)։

«Վանաձոր քաղաքում մենք բավական մեծ ակտիվություն ենք նկատում և ուրախ ենք տեղեկացնել, որ գործարկում ենք լիովին նորացված մեր վաճառքի և սպասարկման երկրորդ սրահը» - նշել է ՋԻԷՆՍԻ-ԱԼՖԱ ՓԲԸ, «Ռոստելեկոմ» Հայաստան գլխավոր տնօրեն Հայկ Ֆարամազյանը։

«Ռոստելեկոմն» այսուհետ ժամանակակից ենթակառուցվածքներով և նույն ջերմությամբ կընդունի Վանաձոր քաղաքի բնակիչներին առավել հարմարավետ ու ընդարձակ սպասարկման սրահներում։ Հայտարարվել է նաև անակնկալի մասին. Վանաձորի նոր ՎՍՍ-ում մինչև դեկտեմբերի 15-ը բաժանորդագրված այցելուների միջև «Ռոստելեկոմի» կողմից կխաղարկվեն նորաոճ պլանշետներ և հեռախոսներ։

«Ռոստելեկոմ» ԲԲԸ–ի հայկական դուստր ընկերությունը` «GNC-ALFA» ՓԲԸ–ն, 2012 թ.–ի դեկտեմբերից սկսել է կապի ծառայություններ մատուցել Հայաստանի տարածքում Rostelecom ապրանքանիշի ներքո։

Ընկերության օպտիկամանրաթելային ցանցը ծածկում է Հայաստանի տարածքի 80 տոկոսն` ավելի քան 2500 կմ ընդհանուր երկարությամբ։ Ցանցը միացված է հիմնական տարածաշրջանային մայրուղային ցանցերին և տրաֆիկի փոխանակման խոշոր հանգույցներին, ինչպես նաև Վրաստանի և Իրանի տարածքով անցնող միջազգային խողովակներին։ –0–