Նոր բջջային հավելվածը կօգնի մաքրություն պահպանել Հայաստանում
ԵՐԵՎԱՆ, 27 սեպտեմբերի. /ԱՌԿԱ/. CLEAN ARMENIA նոր բջջային հավելվածը կօգնի մաքրություն պահպանել Հայաստանում։
Ինչպես հայտնում է Հայաստանի երիտասարդական հիմնադրամը, հավելվածը կհայտնի աղտոտված տարածքների և աղբավայրերի մասին, ինչը հնարավորություն կտա հնարավորինս կարճ ժամանակում մաքրել այդ տարածքները։
Հավելվածի պատասխանատուները մշտական կապի մեջ են գտնվում համապատասխան պետական կառույցների հետ, և աղբը մաքրելուց հետո հավելվածից կհանվի համապատասխան նշանը։ Առանձին հատվածում կհրապարակվեն լուսանկարներ արդեն մաքրված տարածքներից։
Հավելվածը նախատեսված է Android և iOS օպերացիոն համակարգերի համար ու շուտով կսկսի գործարկվել։
Բջջային հավելվածը ստեղծվել է Հայաստանի սիրողական հեծանվասպորտի ֆեդերացիայի կողմից ՀՀ նախագայի աշխատակազմի և Հայաստանի երիտասարդական հիմնադրամի աջակցությամբ։ –0–