Microsoft-ը հնարավորություն կտա ղեկավարել համակարգիչը հայացքով
ԵՐԵՎԱՆ, 3 օգոստոսի. /ԱՌԿԱ/. Աշնանը Windows 10–ում կհայտնվի Eye Control գործառույթը, որի օգնությամբ սահամնափակ կարողություններով օգտատերերը կարող են ղեկավարել համակարգիչը։
Ինչպես հաղորդում է tvc.ru–ն, ծրագրի մշակումը սկսվել է 2014 թ–ին։ Ներկայում Eye Control–ի համար պատասխանատու է մշակողների հատուկ խումբը։
Microsoft ընկերությունը Windows 10–ի օպերացիոն համակարգում Eye Control գործառույթը կավելացնի, որը կօգնի սահմանափակ կարողություններով մարդկանց կառավարել համակարգիչը։ Այս մասին հաղորդում է ՏԱՍՍ–ը` հղում անելով ընկերության մամուլի ծառայությունը։
«Windows Insiders ծրագրի մասնակիցներն արդեն կարող են փորձել այս հնարավորությունը, իսկ պաշտոնապես այն կգործարկվի Windows 10 Creators Update–ի հետ միասին` այս տարվա աշնանը»,–ասվում է հաղորդագրության մեջ։ -0-