Microsoft-ը գումար կվճարի MacBook-ի փոխարեն Surface ընտրելու համար
31.10.2016,
12:14
Microsoft ընկերությունը գործարկել է trade-in արշավը, որի շրջանակում ընկերությունը կընդունի MacBook-եր` որպես Sufrace համակարգիչների գնման զեղչ:
ԵՐԵՎԱՆ, 31 հոկտեմբերի. /ԱՌԿԱ/. Microsoft ընկերությունը գործարկել է trade-in արշավը, որի շրջանակում ընկերությունը կընդունի MacBook-եր` որպես Sufrace համակարգիչների գնման զեղչ, հաղորդում է hi-tech.mail.ru-ն` հղում անելով TechCrunch-ին:
Գնորդներին առաջարկում են հանձնել իրենց MacBook-երը (12 դյույմ), MacBook Pro-ն կամ Air-ը: Ընդունվում են լիովին աշխատող համակարգիչներ, որոնք ունեն «առողջ» մարտկոց և առանց վնասվածքների էկրան: Բացի այդ, պետք է հանձնել վերալիցքավորող սարքը և մալուխը:
Այդ պայմանների պահպանման դեպքում Microsoft-ը կտրամադրի Surface Pro կամ Sufrace Pro 4 պլանշետ գնելու զեղչ: Նոր MacBook Pro 13-ի դիմաց ընկերությունը կնվիրի 650 դոլարի կտրոն: Ակցիան առայժմ գործում է միայն Ամերիկայում: -0-