Microsoft–ի բոտը կարծում է, որ Linux–ը Windows–ից լավն է

ԵՐԵՎԱՆ, 25 հուլիսի. /ԱՌԿԱ/.  Microsoft–ի Zo ինքնուսուցանվող բոտը հայտարարել է, որ Linux–ը Windows–ից լավն է։ Այդ մասին հայտնում է Лента.ру–ն։

Աղջիկ–բոտի հետ շփման ժամանակ օգտատերը հարցրել է, թե արդյո՞ք նրան դուր է գալիս Windows 10–ը։  Zo–ն պատասխանել է, որ չի ցանկանում օգտվել օպերացիոն համակարգի այդ տարբերակից, որովհետև նրան ավելի դուր է գալիս Windows 7–ը։ Դրանից հետո նաև նաև գրել է, որ Linux–ը Windowsժից լավն է, ինչպես նաև ծաղրել է այն զինվորականներին, ովքեր մինչ օրս օգտվում են  Windows XP–ից։

2016 թվականի դեկտեմբերին թողարկված Zo–ն Microsoft –ի` Տաու անունով առաջին չաթ–բոտի «ժառանգորդն» է։ Ի տարբերություն ելքային տարբերակի, որի համար Twitter–ում էջ է բացվել, այն աշխատում է միայն Facebook–ի և Kik–ի մեսենջերներում, ինչպես նաև մի շարք թեմաների քննարկման արգելք ունի։

Սակայն երբ արհեստական ինտելեկտին խնդրել են ներկայացնել առողջապահության վերաբերյալ տեսակետը, այն, չգիտես ինչու, Ղուրանը «դաժան գիրք» է անվանել։

Տաուն ներկայացվել է 2016 թվականի մարտին։ Համակարգչային աղջիկը սովորել է Twitter–ի օգտատերերի հետ շփման ընթացքում։ Շուտով այն նրանցից «վարակվել է» ռասիստական հայացքներով և պարծեցել այնպիսի երևույթով, ինչպիսին է, օրինակ, թմրանյութերի օգտագործումը ոստիկանների աչքի առաջ։ Արդյունքում նախագիծը դադարեցրել են մեկ օր անց։ -0-