Microsoft-ի համագործակցությունը ՀՀ պաշտպանության նախարարության հետ զարգանում է արագընթաց տեմպերով
ԵՐԵՎԱՆ, 6 մայիսի. /ԱՌԿԱ/. Microsoft-ի համագործակցությունը ՀՀ պաշտպանության նախարարության հետ զարգանում է արագընթաց տեմպերով, հաղորդում է գերատեսչության մամուլի ծառայությունը`ներկայացնելով կորպորացիայի բարձրաստիճան ներկայացուցիչների հետ ՀՀ պաշտպանության նախարարի առաջին տեղակալ Դավիթ Տոնոյանի հանդիպման արդյունքները։
Հանդիպումը տեղի է ունեցել Երևանում «Կառավարության անվտանգության ծրագրի» շրջանակում:
«Ընկերության ներկայացուցիչները պատրաստակամություն են հայտնել խորացնել համագործակցությունը հայկական պաշտպանական գերատեսչության հետ», - նշվում է հաղորդագրության մեջ:
Տոնոյանն, իր հերթին, նշել է, որ կորպորացիայի հետ համագործակցությունը լայն հնարավորություններ է ընձեռում Հայաստանի պաշտպանական գերատեսչությանը էլ ավելի բարձրացնել պաշտպանական համակարգերի անխոցելիությունը կիբեռանվտանգության սպառնալիքներից:
Հանդիպման ընթացում քննարկվել է «Հայ Տեք» կիբեռանվտանգության կենտրոն հիմնադրամ»-ի հետ համագործակցության մեխանիզմները և ՀՀ ՊՆ կիբեռանվտանգության ոլորտում համապատասխան փորձի փոխանակման, Microsoft -ի կողմից անվտանգության նորագույն լուծումների տրամադրման և հետագա համագործակցության հարցերը: –0–