Microsoft-ը մոտ 3.000 աշխատակից կկրճատի
29.07.2016,
12:23
Microsoft ընկերությունը մտադիր է 2.850 աշխատակից կրճատել այս տարվա ընթացքում:
ԵՐԵՎԱՆ, 29 հուլիսի. /ԱՌԿԱ/. Microsoft ընկերությունը մտադիր է 2.850 աշխատակից կրճատել այս տարվա ընթացքում, հայտնում է ՏԱՍՍ գործակալությունը` վկայակոչելով Bloomberg-ին:
Կրճատումները կանդրադառնան կորպորացիայի բջջային ստորաբաժանմանը, իսկ կրճատումների մեծ մասը կավարտվի 2017 թվականին։
2016 թվականի մայիսին Microsoft–ը հայտնել էր, որ ծրագրում է ավելի քան 1.3 հազար աշխատատեղ կրճատել Ֆինլանդիայում։ Մասնավորապես, կփակվի Տամպերում և Էսպոոյում գրասենյակներ ունեցող Microsoft Mobile Oy բջջային հեռախոսների մշակմամբ զբաղվող ընկերությունը։
Հայտարարվել է նաև, որ կրճատումները կվերաբերեն ամերիկյան ընկերության 500 աշխատողների ողջ աշխարհում։