iPhone 5-ի նախնական պատվերը կբացվի գործարկման օրը՝ սեպտեմբերի 12-ին
ԵՐԵՎԱՆ, 15 օգոստոսի. /ԱՌԿԱ/. Նոր սերնդի Apple iPhone –ի նախնական պատվերը կատարելու հնարավորությունը կհայտնվի անմիջապես գործարկման օրը՝ 2012թ.-ի սեպտեմբերի 12-ին, հաղորդում է Cnews.ru-ն՝ հղում անելով iMore ռեսուրսին:
Նախկինում հենց iMore-ն է առաջինը հայտնել, որ նոր iPhone-ի ծանուցումը տեղի կունենա չորեքշաբթի՝ օգոստոսի 12-ին: Ավելի ուշ այդ տեղեկատվությունը՝ հղում անելով սեփական աղբյուրներին, հաստատեցին խոշորագույն տեղեկատվական գործակալությունները:
Ըստ iMore-ի տվյալների՝ սարքավորման վաճառքները կսկսվեն ծանուցումից՝ սեպտեմբերի 12-ից հետո՝ հաջորդ շաբաթվա ուրբաթ օրը:
iMore կայքը տեղեկացրել է նաև, որ առաջնահերթ երկրների խմբին, որտեղ նոր iPhone-ը կհայտնվի սեպտեմբերի 21-ին, նոր երկրներ կավելանան արդեն հոկտեմբերի առաջին շաբաթվա ընթացքում: Մասնավորապես ռեսուրսը տեղեկացրել է 2012թ.-ի հոկտեմբերի 5-ի մասին: Ռեսուրսը չի պարզաբանել, թե iPhone-ի վաճառքները հատկապես որ երկրներում են մեկնարկելու առաջին և երկրորդ հերթին:
Ընթացիկ սերնդի iPhone սմարթֆոնը՝ iPhone 4S-ը, ներկայացվել էր հոկտեմբերի 4-ին՝ Apple ընկերության հիմնադիրներից մեկի և ղեկավար Սթիվ Ջոբսի (Steve Jobs) մահից մեկ օր առաջ:
Հոկտեմբերի 14-ին նոր սմարթֆոնի վաճառքները սկսվել են ԱՄՆ-ում, Կանադայում, Մեծ Բրիտանիայում, Գերմանիայում, Ֆրանսիայում, Ավստրալիայում և Ճապոնիայում, իսկ հոկտեմբերի 28-ին սարքավորումը հայտնվել է ևս 22 պետություններում:
Apple-ը նախատեսում է ծանուցման օրը նոր iPhone-ի նախնական պատվերը բացել:
2012թ.-ի սկզբին iPhone 4S-ը հասանելի դարձավ ողջ աշխարհի ավելի քան 90 պետություններում, որը դրա գործարկումն աշխարհագրական առումով առավել ծավալուն դարձրեց Apple-ի համար:
Նոր iPhone-ը խոստանում է վեցերորդ սերնդի Apple սմարթֆոն դառնալ՝ օրիգինալ iPhone-ի հետևից, որը ներկայացվել և վաճառքի է հանվել 2007թ.-ին, iPhone 3G (2008 թ.), iPhone 3GS (2009 թ.), iPhone 4 (2010 թ.) և iPhone 4S:
Ակնկալվում է, որ այս տարի գործարկվող նոր iPhone-ի հետ Apple-ը կվերադառնա մետաղական հետևի պատին (ինչպես օրիգինալ iPhone-ը), սակայն կպահպանի iPhone 4S-ի ուղղանկյուն ձևերը՝ հեռախոսը գրեթե 20 տոկոսով ավելի բարակ դարձնելով:
Նաև նախատեսվում է, որ էկրանի չափը կաճի 3,5-ից մինչև 4 դյույմով, իսկ լարը միացնելու համար նախատեսված առկա վարդակը կփոխարինվի նորով՝ առավել կոմպակտով: Ըստ վերջին տվյալների՝ վարդակը կմիանա MagSafe-ին, որը Apple-ն օգտագործում է իր նոութբուքերում:
Հուլիսի վերջին առաջին անգամ հրապարակվել են նոր iPhone-ի կողմից ենթադրվող կորպուսի որակյալ լուսանկարները: -0-