HP–ն կփոխի իր ամպային բիզնեսի կառուցվածքը
11.04.2015,
15:16
Hewlett-Packard (HP) ամերիկյան ընկերությունը նախատեսում է հեռանալ հրապարակային ամպային ծառայությունների շուկայից։ Պատճառը ոլորտի ուժեղ մրցակցությունն է, որտեղ գործում են Amazon–ը, Google–ն ու Microsoft–ը։ Այս մասին, ինչպես հաղորդում է Vestifinance.ru–ը, տեղեկացնում է The New York Times–ը։
ԵՐԵՎԱՆ, 11 ապրիլի. /ԱՌԿԱ/. Hewlett-Packard (HP) ամերիկյան ընկերությունը նախատեսում է հեռանալ հրապարակային ամպային ծառայությունների շուկայից։ Պատճառը ոլորտի ուժեղ մրցակցությունն է, որտեղ գործում են Amazon–ը, Google–ն ու Microsoft–ը։ Այս մասին, ինչպես հաղորդում է Vestifinance.ru–ը, տեղեկացնում է The New York Times–ը։
HP–ի ամպային բիզնեսի ղեկավար Բիլ Հիլֆը հրատարակությանը տված հարցազրույցում նշել է, որ ընկերությունը բաց է թողել մի շարք սխալներ, որոնք հանգեցրել են նման հետևանքների։ «Մենք կարծում էինք, թե մարդիկ մեզնից կվարձակալեն կամ կգնեն հաշվիչ հզորություններ։ Սակայն չկարողացանք հավասար պայքար մղել», – նշել է HP–ի ներկայացուցիչը։
Խոսքը, սակայն, ամպային բիզնեսից ամբողջությամբ հեռանալու մասին չէ։ Ամերիկյան արտադրողը կշարունակի վաճառել Helion Rack համակարգը, որն իրենից ներկայացնում է մասնավոր ամպի`նախապես ներկառուցված և փորձարկված հարթակ` OpenStack–ի և Cloud Foundry–ի հիման վրա։
Բացի այդ, HP–ն կպահպանի Cloudline և Moonshot ծառայությունների, ինչպես նաև մասնավոր և հիբրիդ ամպային համակարգերի համար նախատեսված որոշ լուծումների վաճառքը։ Սակայն ընկերությունը ստիպված կլինի այլևս չմրցել այնպիսի ապրանքի հետ, ինչպիսինն է Amazon Web Services–ը։
Հրապարակային ամպային ծառայությունների շուկայից HP–ի հեռանալու մասին հայտնի դարձավ, երբ ընկերությունը հայտարարեց, որ կառուցվածքում խոշոր փոփոխություններ է նախատեսում։ HP–ն կբաժանվի երկու ընկերության, որոնցից մեկը կզբաղվի համակարգիչների և տպիչների թողարկման հետ կապված գործունեությամբ (HP Inc.), երկրորդը կհամակարգի կորպորատիվ սարքավորումների, ծրագրային ապահովման և ծառայությունների ոլորտում իրականացվող գործունեությունը (Hewlett-Packard Enterprise)։–0–
HP–ի ամպային բիզնեսի ղեկավար Բիլ Հիլֆը հրատարակությանը տված հարցազրույցում նշել է, որ ընկերությունը բաց է թողել մի շարք սխալներ, որոնք հանգեցրել են նման հետևանքների։ «Մենք կարծում էինք, թե մարդիկ մեզնից կվարձակալեն կամ կգնեն հաշվիչ հզորություններ։ Սակայն չկարողացանք հավասար պայքար մղել», – նշել է HP–ի ներկայացուցիչը։
Խոսքը, սակայն, ամպային բիզնեսից ամբողջությամբ հեռանալու մասին չէ։ Ամերիկյան արտադրողը կշարունակի վաճառել Helion Rack համակարգը, որն իրենից ներկայացնում է մասնավոր ամպի`նախապես ներկառուցված և փորձարկված հարթակ` OpenStack–ի և Cloud Foundry–ի հիման վրա։
Բացի այդ, HP–ն կպահպանի Cloudline և Moonshot ծառայությունների, ինչպես նաև մասնավոր և հիբրիդ ամպային համակարգերի համար նախատեսված որոշ լուծումների վաճառքը։ Սակայն ընկերությունը ստիպված կլինի այլևս չմրցել այնպիսի ապրանքի հետ, ինչպիսինն է Amazon Web Services–ը։
Հրապարակային ամպային ծառայությունների շուկայից HP–ի հեռանալու մասին հայտնի դարձավ, երբ ընկերությունը հայտարարեց, որ կառուցվածքում խոշոր փոփոխություններ է նախատեսում։ HP–ն կբաժանվի երկու ընկերության, որոնցից մեկը կզբաղվի համակարգիչների և տպիչների թողարկման հետ կապված գործունեությամբ (HP Inc.), երկրորդը կհամակարգի կորպորատիվ սարքավորումների, ծրագրային ապահովման և ծառայությունների ոլորտում իրականացվող գործունեությունը (Hewlett-Packard Enterprise)։–0–