Հայաստանում կգործարկվի հավելված` ապահովագրական ակտերի առցանց լրացման համար

ԵՐԵՎԱՆ, 30 հունվարի. /ԱՌԿԱ/. Ավտոապահովագրության ընդհանուր պատուհանը (ASWA) 2019 թվականին կգործարկի մոբայլ հավելված ԱՊՊԱ–ի ապահովագրական ակտերն առցանց լրացնելու համար։ Այդ մասին լրագրողներին է պատմել ASWA համակարգի կատարողականի պատասխանատու, BIVAC Արմենիա ընկերության ներկայացուցիչ Արման Ստեփանյանը։ Այդ մասին հայտնում է «տելեկոմ» հեռահաղորդակցային պորտալը։

Նա հիշեցրել է, որ 2016 թվականի մարտի 4–ից մինչև 50 հազար դրամ գույքային պահանջներով ՃՏՊ մասնակիցներն ինքնուրույն ձևակերպում են ԱՊՊԱ փաստաթղթեր։ Այսպիսով, Ստեփանյանի խոսքով, բջջային հավելվածը կփոխարինի այն փաստաթուղթը, որը լրացնում են ՃՏՊ–ի վայրում։

Այդ հավելվածի շնորհիվ, ՃՏՊ–ի դեպքերը միանգամից կհայտնվեն ապահովագրական ընկերությունների ուշադրության կենտրոնում։ Հավելվածը նաև թույլ կտա նվազեցնել խցանումների ժամանակը ճանապարհներին ՃՏՊ–ների պատճառով։

Նա նշեց, որ 2019 թվականին կգործարկվի փոխհատուցումների կառավարման մոդուլ։
«Այն ընդգրկում է ամբողջ գործընթացը` սկսած ՃՏՊ–ի գրանցումից մինչև վերջնական փոխհատուցում (այդ թվում` ընթացիկ գնահատականներ, փորձաքննություն)։ Այդ մոդուլի գործարկումը լիովին ավտոմատացնում է ԱՊՊԱ–ի պայմանագրերի հետ կապված գործընթացները»,– ասաց Ստեփանյանը։

Նաև կստեղծվի վնասի շուկայական արժեքի գնահատականի համապետական ուղեցույց։ Դա թույլ կտա համատախաստանեցնել վնասի փոխհատուցման տոկոսադրույքը շուկայական գներին։

Վնասի գնահատումը կիրականացվի միջազգային չափանիշների համաձայն։

2017 թվականի նոյեմբերի 1–ից արդեն գործում է ԱՊՊԱ պայմանագրերի առցանց կնքելու հնարավորություն։

«Մենք ձգտում ենք նրան, որ ԱՊՊԱ–ի վերաբերյալ ավտոսեփականատերերի և ապահովագրողների բոլոր հարաբերություններն իրականացվեն ASWA հարթակի միջոցով»,– նշեց Ստեփանյանը։

Նրա խոսքով, ապահովագրական ընկերությունները ASWA հարթակի շահառուներ են, և ապահովագրողների` ԱՊՊԱ–ի հետ կապված բոլոր գործընթացներն իրականացվում են այդ հարթակում։ -0-